Pagtaas ng kaso ng CKD sa Pilipinas pina-iiimbestigahan ni Villar

PINAREREPASO ni Senador Mark Villar ang kasalukuyang mga programa at interbensyon ng gobyerno hinggil sa Chronic Kidney Disease (CKD) dahil sa napipintong krisis sa kalusugan ng publiko sa bansa ,

Inihain ni Villar ang Senate Resolution No. 313 na nananawagan para sa isang kagyat na pagtatanong, bilang tulong sa batas, sa paglaganap ng Chronic Kidney Disease (CKD) sa Pilipinas, lalo na sa mga kabataan.

Aniya , ayon sa Department of Health, pabata nang pabata ang tinatamaan ng CKD sa bansa—may mga naiulat na rin aniya na nine years old pa lang ay may malubhang sakit na agad sa bato

Bagama't may mga hakbang ang bansa na naglalayong tugunan ang CKD, mayroon pa ring nakikitang mga puwang na dapat tugunan. Ang pagpapakilala ng mga ultra-processed na pagkain at mga pagbabago sa mga diyeta ng mga tao ay nangangailangan ng mga bagong diskarte upang maiwasan ang pagtaas ng malalang sakit na ito.

“Naghain po tayo ng resolution na ito dahil naniniwala tayo sa panahon ngayon, hindi na lang dapat basta reactive ang ating mga hakbang laban sa CKD,” dagdag ni Villar.

Ang kampanyang ito  ay aktwal na susuporta sa ibinibigay sa mga pasyenteng sumasailalim sa paggamot.