Pansamantalang pagsuspindi ng excise tax sa krudo, inihain sa kongreso

INIHAIN sa kamara  ng  Chairperson of the Committee on Ways and Means na si Rep. Miro S. Quimbo, ang House Bill 8257 na nagbibigay sa Pangulo ng Pilipinas ng awtoridad na suspindihin o bawasan ang excise tax sa mga produktong petrolyo  matapos ang tumitinding tensiyon sa  Middle East lalo na sa  panahon ng national at global economic crisis .

Ang panukalang batas ay pag-aamyenda sa Section 148 ng National Internal Revenue Code (NIRC) ng 1997 upang magtatag ng isang legal at kondisyonal na mekanismo para sa pansamantalang pagsuspinde ng mga excise tax sa gasolina kapag may  mga hindi pangkaraniwang pangyayari.