DOJ niyanig ng pagsabog; Senado binulabog ng bomb scare
Ni Alex dela Cruz
ISANG pagsabog ang naganap na hinihinalang improvised explosive device (IED) sa tapat ng pasukan ng Department of Justice (DOJ) sa Padre Faura Street, Ermita, bandang 12:17 a.m. nitong Hulyo 27.
Ayon sa DOJ, wala namang naiulat na nasugatan sa insidente.
Agad ding rumesponde ang Philippine National Police-Explosive Ordnance Disposal (PNP-EOD) Unit upang magsagawa ng technical examination sa pinangyarihan.
Patuloy ang imbestigasyon upang matukoy ang pinagmulan, uri, at dahilan ng pagsabog.
Tiniyak naman ng DOJ na kontrolado na ang sitwasyon at nananatiling ligtas ang kanilang tanggapan habang nagpapatuloy ang masusing imbestigasyon.
Samantala, natagpuan rin improvised explosive device sa bahagi ng J.W. Diokno Boulevard, Pasay City na kung saan malapit sa gusali ng Senado.
Agad itong inalis ng mga awtoridad at kasalukuyang iniimbestigahan matukoy kung may koneksyon ito sa dalawang inisdente ng pagpapasabog.
Related Articles
Commonwealth, uminit bago ang SONA; Ilang raliyista, arestado
SUMIKLAB ang tensiyon sa Commonwealth Avenue sa Quezon City ilang oras bago ang ikalimang State of the Nation Address (SONA) ni Pangulong Ferdinand Marcos Jr. nitong Lunes matapos magkasagupaan ang mg
Pekeng Mugshot ng 2 suspek, ipinaiimbestigahan ng PNP
NI Edward Villoso
