Pagtaas ng presyo ng langis  asahan na sa susunod na linggo

ISA na namang pagtaas sa presyo ng gasolina  ang inaasahan ng mga motorista sa susunod na linggo, kung saan inaasahang magpapatupad ang mga kumpanya ng langis sa darating na Martes, Mayo 26.

Batay sa pagtatatanya  mula sa isang pinagmumulan ng industriya, ang presyo ng diesel ay maaaring tumaas ng P1 hanggang P1.30 kada litro.

Inaasahang tataas din ang presyo ng gasolina ng P1.20 hanggang P1.50 kada litro.

Ayon sa source, ang inaasahang pagtaas ng presyo ng diesel ay dahil sa mas mataas na pandaigdigang presyo ng krudo at suplay sa merkado. Patuloy ding nahaharap sa mga hamon ang mga Asian refiner sa pagsiguro ng sapat na pagbili ng feedstock.

Samantala, tumataas din ang presyo ng gasolina dahil nananatiling limitado ang pandaigdigang suplay.

 Ang mga suplay mula sa Asya ay maaari ring ilipat sa ibang mga rehiyon dahil sa nabawasang produksyon sa Europa, habang tumataas ang demand mula sa Estados Unidos kasabay ng pagsisimula ng peak season ng tag-init.

Ang mga ito ay batay sa unang apat na araw ng kalakalan sa Mean of Platts Singapore at mga paggalaw sa foreign exchange.

Inaasahang iaanunsyo ng mga kompanya ng langis ang kanilang opisyal na pagtaas ng presyo sa Lunes.